شکارپورمیں ہائی ٹینشن لائن گھر پرگرگئی، 4 بچے جھلس گئے،اسپتال منتقل

شکارپور: شکارپور میں گھر کے اوپرہائی ٹینشن لائن گرگئی جس کے نتیجے میں 4 بچے جھلس گئے، جنہیں فوری طور پراسپتال منتقل کردیا گیا۔

اطلاعات کے مطابق واقع سندھ کے شہر شکارپور میں پیش آیا ، جہاں گھر کے اوپر سے گزرنے والی ہائی ٹینشن لائن گھر کے اوپر گر گئی جس کی وجہ سے ایک ہی خاندان کے 4 بچے جھلس گئے۔

ہائی ٹینشن تاریں گرنے سے متاثرہ بچوں کو تشویشناک حالت میں سول اسپتال منتقل کردیا گیا۔

متاثرہ بچوں کے اہلخانہ نے شکارپور الیکٹرک سپلائی کارپوریشن (سیپکو)کے خلاف احتجاج کیا اور نعرے بازی بھی کی۔