سندھ بھر کے سی این جی اسٹیشنز آج رات 8 بجےپھر بندہوجائیں گے

کراچی:سوئی سدرن گیس کمپنی کے مطابق کراچی سمیت سندھ بھر میں سی این جی اسٹیشنز چوبیس گھنٹے بعد آج رات آٹھ بجے پھر بند کردیے جائیں گے ۔
سی این جی ملنے پر ابھی شہر کے باسی سکھ کا سانس بھی نہ لے پائے تھے کہ ایک بار پھر یہ روح فرسا خبر سنا دی گئی کہ شہر کے تمام سی این جی اسٹیشن پھرآج رات 8بجے بند ہو جائیں گے۔
سی این جی اسٹیشنز گزشتہ شب آٹھ بجے کھولے گئےتھے ۔
دوسری جانب کراچی کے مختلف علاقوں میں گیس پریشر میں کمی کے باعث گھریلو صارفین کو مشکلات کا سامنا ہےجبکہ گیس نہ ہونے کے باعث صبح ناشتے کے لیے ہوٹلوں پر رش ہے۔لوگ باہر سے کھانا خرید کر کھانے پر مجبور ہیں۔