پاک فوج کا شمالی وزیرستان میں آپریشن، دہشتگرد ہلاک

اسلام آباد:پاک فوج کا ملک بھر میں آپریشن ردالفساد کامیابی سے جاری ہے، شمالی وزیرستان میں فورسز نےکارروائی کرتے ہوئےایک دہشت گرد کو ہلاک کر دیا ۔
پاک فوج کے شعبہ تعلقاتِ عامہ (آئی ایس پی آر) کے مطابق شمالی وزیرستان میں گاؤں برکلئے میں سیکیورٹی فورسز نے دہشت گردوں کے ٹھکانوں پر کارروائی کی۔
آئی ایس پی آر کا کہنا ہے کہ سیکیورٹی فورسز کی اس کارروائی میں ایک دہشتگرد ہلاک ہوگیا، جبکہ ٹھکانے سے ایس ایم جی، دستی بم، گولیوں کے میگزین، دیگر اسلحہ و بارود ،موصلاتی آلات،بم بنانے سے متعلق لٹریچر برآمدہوا۔
آئی ایس پی آر نے یہ بھی بتایا ہے کہ ادھر بلوچستان میں ایف سی نے قلعہ سیف اللہ اور کاہان میں خفیہ اطلاع پر کارروائی کرتے ہوئے بلوچستان کا امن خراب کرنے کی کوشش ناکام بنادی۔
آئی ایس پی آرایف سی بلوچستان کی اس کارروائی میں اسلحہ اور گولہ بارود برآمد ہوا ہے۔