وزیرنجکاری محمد میاں سومروکاسول ایوی ایشن ہیڈ کوارٹرز کا دورہ

کراچی: وفاقی وزیر شہری ہوا بازی اور نجکاری محمد میاں سومرو نے سیکریٹری ایوی ایشن اسکوارڈن لیڈر شاہ رخ نصرت کے ہمراہ سول ایوی ایشن ہیڈ کوارٹرز کا دورہ کیا، جہاں سی اے اے کے ایڈیشنل ڈائریکٹر جنرل ائیر وائس مارشل تنویر اشرف بھٹی نے انہیں ائیرپورٹ منیجمنٹ کے مختلف امور پر بریفنگ دی،وفاقی وزیر نے ایڈیشنل ڈی جی سی اے اے ائیر وائس مارشل تنویر اشرف بھٹی اوردیگر افسران کے ہمراہ جناح انٹرنیشنل ائیرپورٹ کے کارگو کمپلیکس کا دورہ کیا،اس کے بعد وفاقی وزیر نجی کارگو کمپنی جیری دناٹا کے کارگو شیڈ بھی گئے۔ وفاقی وزیر نے جناح انٹرنیشنل ائیرپورٹ پر فراہم کی جانے والی کارگو سروسز پر اطمینان کا اظہارکیا۔وفاقی وزیر نے ائیرپورٹ پر خدمات فراہم کرنے والے عملے کو تندہی سے کام کرنےکی تاکید کی۔