بزدل لوگ پیٹھ پیچھے باتیں کرتے ہیں۔بلاول بھٹو

چیئرمین پیپلزپارٹی بلاول بھٹو زرداری نے وزیراعظم کی تقریر پر ردعمل دیتے ہوئے کہا ہے کہ بزدل لوگ پیٹھ پیچھے باتیں کرتے ہیں۔

بلاول بھٹو زرداری نے ٹویٹر پر لکھا کہ قومی اسمبلی میں میری تقریر پر عمران خان اسی وقت میرے سامنے ردعمل دیتے،وزیراعظم کو چاہیے اپوزیشن پر تنقید کی بجائے مودی کو جواب دیں۔

واضح رہے کہ تھرپار کر میں جلسہ عام سے خطاب کرتے ہوئےوزیراعظم نے پیپلزپارٹی کی قیادت کو تنقید کا نشانہ بناتے ہوئے کہا تھا کہ ایک لیڈراپنا نام زرداری سےتبدیل کرکے بھٹو بن گیا، بلاول اور ان کے والد آصف زرداری کرپشن سے یوٹرن لے لیتے تو عدالتوں کے چکر اور نیب مقدمات نہ بھگت رہے ہوتے۔