بھارتی ہائی کمشنر پاکستان پہنچ گئے، پاکستانی ہائی کمشنر آج جائیں گے

بھارتی ہائی کمشنر پاکستان پہنچ گئے جبکہ پاکستانی ہائی کمشنر آج بھارت کیلئے روانہ ہونگے

نجی ٹی وی کے مطابق پاک بھارت کشیدگی میں کمی کے بعد بھارتی ہائی کمشنر اجے بساریہ اسلام آباد پہنچ گئے جبکہ پاکستانی ہائی کمشنر سہیل محمود بھی آج نئی دلی روانہ ہوں گے۔

بھارتی وزارت خارجہ کے ترجمان رویش کمار کے مطابق اجے بساریہ بھارت میں مشاورت مکمل کرکے پاکستان پہنچ گئے ہیں اور اسلام آباد میں اپنی ذمہ داریاں سنبھالیں گے۔

پاکستانی ہائی کمشنر سہیل محمود بھی آج نئی دہلی روانہ ہوجائیں گے اور اپنی ذمہ داریاں سنبھالیں گے۔