عمران خان کو اپوزیشن سے کوئی خطرہ نہیں۔ شیخ رشید

وزیر ریلوے شیخ رشید نے کہا ہے کہ عمران خان کو اپوزیشن سے کوئی خطرہ نہیں، بلاول نوازشریف سے ملتے ہیں توعمران خان کیلئے اچھا  ہے، انکی ملاقات سے عوام کوپتہ چل جائےگاتمام کرپٹ اکٹھے ہورہے ہیں۔

نجی ٹی وی کے مطابق وزیراعظم عمران خان سے ملاقات کے بعد وفاقی وزیرریلوے نے میڈیا سے گفتگو کرتے ہوئے کہا کہ آصف زرداری اور نوازشریف کوصحت پرتوجہ دینی چاہیے، ان لوگوں کوسمجھناچاہیے جان ہے توجہان ہے۔

شیخ رشید نے کہا کہ یہ چلے ہوئے کارتوس ہیں اس سے کوئی خطرہ نہیں،بلاول نوازشریف سے ملتے ہیں توعمران خان کیلئے اچھاہی ہے،انکی ملاقات سے عوام کوپتہ چل جائےگاتمام کرپٹ اکٹھے ہورہے ہیں۔

وزیر ریلوے نے کہا کہ وزیر اعظم سے ملاقات دورہ ایران سے متعلق تھی،وزیر اعظم نے لئے ایکسپریس ٹرین کی منظوری دی ہے

انہوں نے کہا کہ وزیر اعظم سے جناح اور سرسید ایکسپریس کے علاوہ راولپنڈی میں زچہ بچہ اسپتال سے متعلق بھی بات چیت ہوئی ہے۔