نوازشریف کے ضمانت کیس کو جلد مقرر کرنے کیلئے نئی درخواست دائر

سابق وزیراعظم نوازشریف نے طبی بنیادوں پر ضمانت کے کیس کو جلد مقرر کرنے کیلئے نئی درخواست دائر کردی۔

نجی ٹی وی کے مطابق سابق وزیراعظم نوازشریف نے العزیزیہ ریفرنس میں طبی بنیادوں پر ضمانت کے کیس کو جلد مقرر کرنے کیلئے نئی درخواست سپریم کورٹ میں دائر کردی۔

درخواست میں موقف اختیارکیا گیا ہے کہ کیس کی جلد سماعت کرنے کیلئے پہلے بھی درخواست دائرکی تھی، پہلی درخواست میں 6 مارچ کو ضمانت کیس مقرر کرنے کی استدعا کی گئی جو مسترد کردی گئی تھی

نوازشریف کا کہنا ہے کہ معاملے کی نزاکت اوربگڑتی صحت کے سبب درخواست کو جلد سماعت کیلئے مقرر کیا جائے،استدعا ہے کہ کیس کو رواں ہفتے سماعت کیلئے مقرر کیا جائے۔