نیا پاکستان مبارک ہو۔پرویز خٹک کے بعد بھائی کو بھی وزیر بنانے کا فیصلہ

خیبر پختونخوا حکومت نے کابینہ میں توسیع کا فیصلہ کر لیاہے ، پرویز خٹک کے بھائی بھی کابینہ کا حصہ بنیں گے ۔

نجی ٹی وی نے ذرائع کے حوالے سے دعویٰ کیاہے کہ وزیراعلیٰ خیبر پختونخوا محمود خان نے پرویز خٹک کے بھائی لیاقت خٹک کو وزیر بنانے کی منظوری دیدی ہے ۔

لیاقت خٹک وزیر کی حیثیت سے پیر کے روز حلف اٹھائیں گے ۔ یاد رہے کہ پرویز خٹک خیبر پختون خواہ صوبے کے سابق وزیراعلیٰ رہے ہیں تاہم اب وہ وفاق میں وزیر دفاع کے عہدے پر تعینات ہیں ۔

پرویز خٹک کے بھائی کو وزیر کا عہدہ دیے جانے سے متعلق خیبر پختونخوا حکومت کی جانب سے تاحال سرکاری سطح پر کسی قسم کا کوئی بیان سامنے نہیں آ سکاہے ۔