بھارت کا جنگی طیارہ مگ 21 گر کر تباہ ہو گیا

بھارتی ریاست مدھیہ پردیش میں انڈین ایئرفورس کا مگ 21 لڑاکا طیارہ گر کر تباہ ہو گیا۔

بھارتی میڈیا کے مطابق گوالیارکے علاقے میں فضائیہ کا مگ 21 جنگی طیارہ گر کر تباہ ہوگیا۔ طیارے میں دو پائلٹ سوار تھے تاہم حادثے سے قبل وہ کاک پٹ سے نکلنے میں کامیاب ہوگئے اور محفوظ رہے۔

بھارتی حکام کے مطابق طیارہ معمول کی پرواز پر تھا کہ اس دوران اسے حادثہ پیش آگیا۔ واقعے کی وجوہات جاننے کے لیے تحقیقات شروع کردی گئی ہیں۔