پاکستان خواتین ٹیم کو127رنز سے شکست

انگلینڈ کی ویمنز کرکٹ ٹیم نے دوسرے ایک روزوہ میچ میں بھی پاکستان کو127 رنز سے شکست دے کر تین میچوں کی سیریز میں 0-2 کی فیصلہ کن برتری حاصل کرلی۔

کوالالمپور میں کھیلے جانے والے میچ میں مہمان ٹیم نے پہلے کھیلتے ہوئے بیٹرنتالی سِوّر کی ناقابل شکست سنچری کی بدولت مقررہ 50 اوورز میں 4 وکٹوں کے نقصان پر 327 رنز بنائے جس کے جواب میں پاکستان ویمنز کرکٹ ٹیم 200 رنز بناکر آؤٹ ہوگئی۔

میچ میں 86 رنز بنانے اور2وکٹیں حاصل کرنے پر انگلینڈ ویمنز کرکٹ ٹیم کی کپتان ہیتھر نائٹ کو میچ کا بہترین کھلاڑی قرار دیا گیا،دونوں ٹیموں کے درمیان سیریز کا تیسرا میچ 14 دسمبرکو کنرارا اکیڈمی اوول میں کھیلا جائے گا۔