Ummat News Latest Urdu News in Pakistan Politics Headlines Videos
سوئی سدرن گیس کمپنی نے اعلان کیا ہے کہ کراچی میں سی این جی اسٹیشن آج رات 10بجے کھولے جائیں گے اور ہفتے کی صبح 6بجے تک کھلے رہیں گے۔
واضع رہے گیس بحران کے باعث سی این جی اسٹیشن تقریباً پورا ہفتہ ہی بند رہے، سوئی سدرن گیس کمپنی کے گزشتہ اعلامیے کے مطابق سی این جی اسٹیشن بدھ کی شب 8 بجے کھلنے تھے تاہم حکام نے ڈیڑھ گھنٹہ قبل بندش کا دورانیہ مزید 24 گھنٹے بڑھاکر صارفین کو پھر مایوس کر دیا۔
صارفین نےسی این جی اسٹیشنوں پر گاڑیوں کی قطاریں لگالی تھیں، ساڑھے 6 بجے شام سوئی سدرن گیس کمپنی کی جانب سے بندش کا دورانیہ بڑھائے جانے کے اعلان سے قطاروں میں لگے شہری مایوس ہوگئے۔
پھرجمعرات کواعلان کیاگیا کہ سی این جی اسٹیشن جمعے کی شب 8بجے کھلیں گےاب اعلان کیا گیا ہے کہ رات10بجے کھلیں گے۔
