انجیلا مرکل نے عمران خان کو جرمنی کے دورے کی دعوت دیدی

ڈیووس وزیراعظم عمران خان کی جرمن چانسلر انجیلا مرکل سے ڈیووس فورم کی سائیڈ لائنزپرملاقات ہوئی ہے، اس دوان جرمن چانسلر انجیلامرکل نے وزیراعظم عمران خان کو جرمنی کے دورے کی دعوت بھی دی ہے۔

سوئٹزرلینڈ کے شہر ڈیووس میں ہونے والے عالمی فورم کی سائیڈ لائنز پروزیراعظم کی ملاقاتوں کا سلسلہ جاری ہے۔اسی تناظر میں انجیلا مرکل اورعمران خان کے درمیان ملاقات ہوئی جس میں باہمی دلچسپی کے اموراور خطے کی صورتحال پر تبادلہ خیال کیا گیا۔

مختصر ملاقات کے دوران جرمن چانسلر نے وزیراعظم عمران خان کو جرمنی کے دورے کی دعوت دی جس پرعمران خان نے کہا کہ وہ جلد جرمنی کا دورہ کریں گے۔

گزشتہ دنوں عمران خان نے امریکی صدر ڈونلڈ ٹرمپ کی صاحبزادی ایوانکا ٹرمپ سے بھی غیر رسمی ملاقات کی جس میں انہوں نے افغان امن عمل اور خطے کی صورتحال پر تبادلہ خیال کیا۔