ن لیگ کاوزیراعلیٰ پنجاب کی گمشدگی کا اشتہار دینے کا اعلان

مسلم لیگ (ن) نے وزیراعلیٰ پنجاب عثمان بزدار کے تلاش گمشدہ کا اشتہار جاری کرنے کا اعلان کردیا۔

(ن) لیگ پنجاب کی سیکریٹری اطلاعات عظمی بخاری نے کہا ہے کہ عثمان بزدار17 ماہ میں صرف 6 دفعہ اسمبلی آئے، وہ اس اسمبلی کا راستہ بھول گئے جس نے ان کو وزیراعلی منتخب کیا۔ بزدارجادو ٹونے پرچلنے کی بجائے اپنے اختیارات استعمال کریں،آپ کو شاپنگ کرنے کیلیے نہیں مسائل حل کرنے کیلیے وزیراعلی بنایا گیا۔

اس کے علاوہ نجی ٹی وی سے گفتگو کرتے ہوئے عظمیٰ بخاری نے کہا ہے کہ بلاول کے بیانات کا بہترانداز سے جواب دے سکتے ہیں.

ان کی اداسی دور کرنے کے لیے شہباز شریف مارچ میں وطن واپس آجائیں گے۔ یہ اپوزیشن لیڈر کوڈھونڈنے کی بجائے عمران خان سے سوالات کریں تو بہتر ہوگا۔