کرونا وائرس کا خطرہ۔ریلوے نے12 ٹرینیں بند کردیں

کرونا وائرس کے بڑھتے ہوئے خدشے کے پیش نظر پاکستان ریلوے نے بھی حفاظتی اقدامات اٹھا لیے،ریلوے حکام کی جانب سے 22 مارچ سے 12 ٹرینیں بند کرنے کا فیصلہ کرلیا گیاہے جس کا نوٹیفکیشن بھی جاری کردیا گیا۔

تفصیلات کے مطابق نوٹیفکیشن میں بتایا گیاہے کہ جو ٹرینیں 22 مارچ سے بند کی جارہی ہیں ان میں پشاور سے کراچی کے درمیان میانوالی چلنے والی خوشحال خان خٹک ، لاہور سے کوئٹہ براستہ فیصل آباد اکبرایکسپریس، کراچی سے ملتان کے درمیان چلنے والی سندھ ایکسپریس شامل ہیں۔

لاہور سے جڑوانوالہ کے درمیان چلنے والی راوی ایکسپریس ، دھابیجی ، حیدرآباد میر پور خاص کے درمیان چلنے والی شاہ لطیف ایکسپریس ،خان پور، روہڑی کے درمیان چلنے والی روہی پسنجر ٹرین بھی بند رہے گی۔