مبینہ ٹائون پولیس نے ایک چور اور ایک منشیات فروش پکڑ لیا

مبینہ ٹاؤن پولیس نے کاروں سے قیمتی پینل ٹیپ ریکارڈ چوری کرنے والا ملزم کو رنگے ہاتھوں گرفتار کرلیا۔
گرفتار ملزم اسماعیل عرف اسحاق ولد جان محمد گلستانِ جوہر اور گلشنِ اقبال سمیت دیگر علاقوں میں وارداتیں کرتا تھا۔
گرفتار ملزم کی رواں سال واردات کی سی سی ٹی وی فوٹیج بھی سوشل میڈیا میں وائرل ہوئی تھی۔
ابتدائی تفتیش میں ملزم نے کاروں سے قیمتی پینل اور ٹیپ ریکارڈ کے علاوہ سنگین جرائم کا بھی اعتراف کیا ہے۔
گرفتار ملزم کے قبضے سے ایک بغیر لائسنس ٹی ٹی پستول بمعہ گولیاں اور عزیز بھٹی کی حدود سے چوری شدہ موٹرسائیکل KAS-8324 برآمد کرلیا گیا۔
ایس ایچ او مبینہ ٹاؤن شاہد تاج نے گرفتار ملزم کے خلاف ایف آئی آر نمبر 555/2020 بجرم دفعہ 23(1)A سندھ آرمز ایکٹ کے تحت مقدمہ درج کردیا گیا۔
دوسری کارروائی میں منشیات فروشی میں ملوث عثمان ولد عقل زرین کو گرفتار کرلیا گیا۔
گرفتار ملزم کے قبضے سے چوری شدہ موٹرسائیکل KLT-1493 اور چرس برآمد کی گئی ہے۔
گرفتار ملزم کے خلاف ایف آئی آر نمبر 553/2020 بجرم دفعہ 6/9B امتناعی منشیات ایکٹ کے تحت مقدمہ درج کردیا ہے۔