سہراب گوٹھ میں تیز رفتار کار الٹنے سے 2 خواتین جاں بحق،2بچے زخمی

کراچی کے علاقے سہراب گوٹھ میں کار الٹنے سے 2 خواتین جاں بحق جبکہ 2 بچے زخمی ہوگئے۔
ذرائع کے مطابق کار کو حادثہ جیوانی ہائٹس کے قریب تیز رفتاری کے باعث پیش آیا۔ ہلاک وزخمی ہونے والوں کی شناخت شائستہ زوجہ ناصر عمر 32سال (ہلاک)، شمائلہ زوجہ کامران عمر35سال(ہلاک)، زرشان دختر کامران عمر14سال(زخمی)، زریاب ولد کامران عمر8سال(زخمی)۔
ریسکیو ذرائع کا کہنا ہے کہ حادثے میں جاں بحق ہونے والی دونوں خواتین کی لاشیں اور زخمی ہونے والے دونوں بچوں کو چھیپا ایمبولینس کے ذریعے عباسی شہید ہسپتال منتقل کردیا گیا ہے۔