سینیٹ امیدوار کے اثاثے’’اللہ کے فضل سے کچھ بھی نہیں”

سینیٹ انتخابات میں غریب ترین امیدوارسامنے آگیا،کاغذات نامزدگی پراثاثوں کی جگہ”اللہ کے فضل سے کچھ بھی نہیں”تحریری کیاگیا۔

نجی ٹی وی کے مطابق سینیٹ انتخابات کیلیے ملک بھر میں 177 امیدواروں کی جانب سے کاغذات نامزدگی جمع کرائے گئے ہیں جن کی جانچ پڑتال کا عمل جاری ہے۔

سینیٹ انتخابات میں ایک ایسے امیدوار نے بھی کاغذات نامزدگی جمع کرا رکھے ہیں جس میں اثاثوں کی جگہ”اللہ کے فضل سے کچھ بھی نہیں”تحریری کیاگیا ہے،محمد مدنی کاکہناہے کہ میرااثاثہ عمران خان اورپی ٹی آئی ہے۔

واضح رہے کہ محمدمدنی جنرل الیکشن میں قومی اسمبلی کی نشست پر حمزہ شہبازکے مخالف امیدوارتھے۔