سوشل میڈیا پر پابندی‘ ٹرمپ نے حامیوں سے رابطے کا نیا طریقہ ڈھونڈ نکالا

امریکی صدر ڈونلڈ ٹرمپ نے سوشل میڈیا پر پابندی کے بعد اپنے حامیوں سے رابطہ رکھنے کے لیے اپنی ویب سائٹ لانچ کر دی ہے۔
غیر ملکی خبر رساں ایجنسی کی رپورٹ کے مطابق ویب سائٹ کا نام www.45office.com رکھا گیا ہے جس پر جا کر لوگ ڈونلڈ ٹرمپ اور ان کی اہلیہ میلانیا ٹرمپ سے رابطہ کر سکتے ہیں۔
45 آفس ڈاٹ کام کے ہوم پیج پر میلانیا کے ساتھ ٹرمپ کی تصاویر آویزاں ہیں جو انہوں فوجی اور عالمی رہنماؤں کے ساتھ بطور صدر اپنے دور میں متعدد تقریبات میں لی تھیں۔
ٹرمپ نے ہوم پیچ پر بتایا کہ انہیں فخر ہے کہ انہوں نے سیاسی خاندانوں کو شکست دے کر امریکہ کی تاریخ کی سب سے غیر معمولی سیاسی تحریک شروع کی اور واشنگٹن اسٹیبلشمنٹ کو شکست دیکر امریکہ کے صدر منتخب ہوئے۔