ضلع ملیر پولیس کی کاروائی آئس نشہ کابیوپاری گرفتار

ضلع ملیر پولیس نے انٹیلیجنس اطلاعات پر چھاپہ مار کارروائی  کرتے ہوئے گڈاپ کے علاقے  سے آئس کے بیوپاری کوگرفتارکرلیا۔

اس حوالے سے ایس ایس پی ملیرعرفان بہادرکا کہنا تھا کہ گرفتار ملزم سے ساڑھے تین کلو سے زائد آئس برآمد کرلی گئی ہے ۔جبکہ ملزم کے زیر استعمال موبائل فون بھی تحویل میں لے لیا گیا۔گرفتار ملزم نے کراچی میں موجود مختلف گروہوں کو آئس کی سپلائی پہنچانے کا انکشاف کیا۔

ملزم عبدالحق سے برآمد ہونے والے موبائل فون کا فارنزک کروایا جارہا ہے ۔جس سے ملزم سے رابطہ کرنے والے افراداورگروہوں کے متعلق معلومات اکھٹی کر کے اہم گرفتاریاں عمل میں لائی جائینگی۔گرفتار ملزم کا نام شہر میں انتہائی مطلوب منشیات فروشوں کی فہرست میں بھی شامل تھا۔

ملزم عبدالحق کیخلاف مقدمہ درج کر لیا گیا۔گرفتار ملزم کو مزید تفتیش کے لئے تفتیشی حکام کے حوالے کر دیا گیا۔