ارشد ندیم نے بہت اچھی کرکٹ کھیلی۔اداکارہ میرا نے سب کو لاجواب کر دیا

لاہور۔ اداکارہ میرا نے انگریزی کا جو حال کیا ہے اس سے تو ہر کوئی واقف ہے لیکن اب ان کی عام معلومات میں بھی کوئی ثانی نہیں، آج کل سوشل میڈیا پران کا دلچسپ کلپ وائرل ہے جس پرانہیں میڈل ملنا چاہیے۔

میرا نے نجی ٹی وی چینل سے سے گفتگو کے دوران ٹوکیو اولمپکس میں جیولین تھرو مقابلوں کے فائنل کیلیے کوالیفائی کرنے والے پاکستانی ایتھلیٹ ارشد ندیم کو کرکٹر کہہ بیٹھیں۔انسٹاگرام پر میرا کی نجی ٹی وی چینل کے ساتھ کی گئی گفتگو کا ایک ویڈیو کلپ وائرل ہورہا ہے جس میں انہیں ایتھلیٹ ارشد ندیم سے متعلق گفتگو کرتے دیکھاجاسکتا ہے۔

میرا کا کہنا تھا کہ ارشد ندیم نے بہت اچھی کرکٹ کھیلی اور پاکستان کا نام روشن کیا، انہوں نے بہت اچھا کھیلا، کھیل کے دوران ان کی محنت نظر آرہی تھی، ان کی باڈی لینگویج میں ایمانداری نظر آرہی تھی ، ڈسپلن تھا،  ارشد ندیم نے بہت اچھا کھیلا حکومت کو بھی ہمارے ہیروز پر غور کرنا چاہیے۔