سیمی فائنل میں ٹیم کو 100 فیصد کارکردگی دکھانا ہوگی، بابراعظم

آسٹریلیا(اُمت نیوز)قومی کرکٹ ٹیم کے کپتان بابر اعظم نے کہا ہے کہ سیمی فائنل میں ہمیں 100 فیصد کار کردگی پیش کرنی ہے۔
آئی سی سی ٹی20 ورلڈ کپ میں بنگلادیش کو شکست دینے اور سیمی فائنل تک پہنچنے کے بعد ڈریسنگ میں بابراعظم نے کھلاڑیوں سے گفتگو کی۔
انہوں نے کہا کہ ہمیں یقین تھا کہ بنگلادیش کے خلاف میچ جیتیں گے، آج کے میچ میں ایڈیلیڈ کی وکٹ بیٹنگ کے لیے آسان نہیں تھی۔
بابراعظم نے مزید کہا کہ جنوبی افریقہ کے خلاف آج نیدرلینڈز کی جیت کے بعد ہمیں جو امید کی کرن دکھائی دی ہے، ہم اس پر پورا اترے۔
ان کا کہنا تھا کہ اب جو کچھ بھی ہو سیمی فائنل میں ہمیں اپنی سو فیصد کارکردگی پیش کرنی ہے۔

🗣️ Skipper @babarazam258 speaks to his team after Pakistan qualify for the #T20WorldCup semifinals 🔊#WeHaveWeWill pic.twitter.com/CkmpJCj6o3

— Pakistan Cricket (@TheRealPCB) November 6, 2022

پاکستان اور نیوزی لینڈ کے درمیان ایونٹ کا پہلا سیمی فائنل بدھ کو سڈنی کرکٹ گراؤنڈ پر کھیلا جائے گا۔