دفاعی نمائش آئیڈیاز 2022 چار روز جاری رہنے کے بعداختتام پذیر

کراچی(اسٹاف رپورٹر) دفاعی نمائش آئیڈیاز 2022 چار روز تک کامیابی سے جاری رہنے کے بعداختتام پذیر ہوگئی ،نمائش میں 30ایم او یوز پر دستخط ہوئے تو اس سال شرکت کرنے والی کمپنیوں اور وفود کی تعداد بھی پہلے سے زیادہ رہی،آئیڈیاز 2022 کا گیارہواں ایڈیشن اختتام پذیر ہوگیا ۔چار روز تک جاری رہنے والی دفاعی نمائش نے بھرپور کامیابیاں سمیٹیں ۔اختتامی تقریب سے خطاب کرتے ہوئے ڈی جی ڈیپو کا کہنا تھا کہ نمائش کے دوران 30 ایم او یوز پر دستخط ہوئے پہلے سے زیادہ ممالک نے شرکت کی ۔نمائش کے آخری روز بطور مہمان خصوصی وفاقی وزیر برائے وزارت دفاعی پیداوار اسرار ترین شریک ہوئے ۔ اس موقع پر ڈی جی ڈیپو میجر جنرل عارف ملک ،سیکریٹری دفاعی پیداوار ڈیویزن لیفٹننٹ جنرل(ریٹائرڈ) ہمایوں عزیز کا کہنا تھا کہ اس مرتبہ آئیڈیاز میں کامیابیوں کے کئی ریکارڈ بنائے ۔اختتامی تقریب میں مختلف کیٹیگریز میں مقامی اور بین الااقوامی مندوبین کے درمیان ایوارڈز بھی تقسیم کیے گئے۔