گلیات میں سیاحوں کی گاڑی کو حادثہ ،کنڈیکٹر جاں بحق

گلیات (نمائندہ امّت )گلیات کے قریب خیرہ گلی کے مقام پر سیاحوں کی کوسٹر گہری کھائی میں جاگری، جس کے نتیجے میں کنڈکٹر جاں بحق جبکہ متعدد سیاح زخمی ہوگئے ۔کوسٹر میں 30 مسافر سوار تھے ۔

تفصیلات کے مطابق گوجرانوالہ کے ایک کالج کے اساتذہ اورطلبہ و طالبات کا ٹرپ بذریعہ کوسٹر نتھیاگلی سے مری جا رہا تھا کہ اتوار کی شام خیرا گلی کے مقام پر کوسٹر کھائی میں گر گئی جس کے نتیجے میں کنڈکٹر قیوم جاں بحق جبکہ متعدد مسافر زخمی ہوگئے ۔ زخمی مسافروں میں سبیل ولد مقصود، سعد ولد معید،انعام ولد ارشد ،زیغم یعقوب ولد یعقوب،ہارون شاہ ولد سلیم شاہ،خمارہ دختر سلیم،سفینہ زوجہ صفدر،
رابعہ دختر آصف،سبیلہ زوجہ منصور،حنیف ولد غلام،سعر دختر محمد اسلم سمیت دیگر زخمی ہیں ۔زخمیوں کو ریسکیو کر کے ہسپتال پہنچادیا گیا ہے۔ ایبٹ آباد پولیس اور ریسکیو اہلکار حادثے کے بعد موقع پر پہنچ گئے اور امدادی کاموں میں حصہ لیا۔