روس یوکرین کےخلاف جنگ میں گلوکاروں کو اگلے مورچوں پر بھیجے گا

ماسکو(امت نیوز)روس نے یوکرین کے خلاف جنگ میں گلوکاروں کی مدد لینےکا فیصلہ کرلیا۔حکام کاکہناہےکہ میدان جنگ میں فوجیوں کا حوصلہ بڑھانے کے لیے گلوکاروں اور موسیقاروں کو یوکرین میں اگلے مورچوں پر بھیجا جائے گا

روسی وزارت خارجہ اس مقصد کے لیے فرنٹ لائن تخلیقی بریگیڈ کےقیام کااعلان کرتے ہوئے بتایا کہ مطابق تخلیقی بریگیڈ پیشہ ور فنکاروں پر مشتمل ہے جسے فرنٹ لائن پر فوجیوں کی نفسیاتی حالت کو برقرار رکھنے کا کام سونپا جائے گا۔

درین اثنا روسی وزیر دفاع سرگئی شوئیگو نے یوکرین میں فرنٹ لائن مورچوں کا دورہ کرکے روسی یونٹوں کی پوزیشنوں کو چیک کیا، انہوں نے روسی فوجیوں سے میدان جنگ کی صورتحال پر بات چیت بھی کی۔

یوکرین کے جنرل اسٹاف کے مطابق مشرقی ڈونباس میں روس اور یوکرین کے فوجیوں میں شدید جھڑپیں جاری ہیں۔

مغربی انٹیلی جنس حکام کا کہنا ہے کہ قصبے پر روسی حملوں کی قیادت نجی ملٹری کنٹریکٹر واگنر گروپ کر رہے ہیں، ماسکو کو امید ہے کہ اس قصبے کو یوکرین کے زیر قبضہ شہروں کراماتورسک اور سلوویانسک پر حملے کرنے کے لیے میدان کے طور پر استعمال کرے گا۔

اُدھر یوکرین کے دارالحکومت کیف میں بجلی بحال کر دی گئی ہے، روس نے جمعہ کو یوکرین کے بجلی اور پانی کے بنیادی ڈھانچے کو تباہ کرنے کیلئے وسیع پیمانے پر حملے شروع کیے تھے۔

ماسکو نے جمعہ کو 76 میزائل داغے جس نے نو پاور سپلائی اسٹیشنوں کو نشانہ بنایا اور ملک کا بیشتر حصہ تاریکی میں ڈوب گیا۔