نیوزی لینڈ نے پاکستان کے خلاف ون ڈے میچز کیلئے ٹیم کا اعلان کردیا

کراچی(امت نیوز)نیوزی لینڈ نےپاکستان کے خلاف ون ڈے سیریز کے لیے ٹیم کا اعلان کردیا

نیوزی لینڈ کرکٹ کے مطابق کین ولیمسن دورہ پاکستان میں ون ڈے ٹیم کی قیادت کریں گے۔

نیوزی لینڈ کی ٹیم میں ٹوم لیتھم، فن ایلن، مائیکل بریسویل ،ڈیون کونوے ،لوکی فرگوسن، میٹ ہینری، ایڈم ملنے، ڈیرل مچل ،ہنری نکولز، گرین فلپس، مچل سینٹنر، ہینری شیپلے، اش سودھی اور ٹم ساؤتھی ٹیم میں شامل ہیں۔

نیوزی لینڈ کی ٹیم پاکستان میں دو ٹیسٹ کے بعد تین ون ڈے میچز کھیلے گی، کیویز کے ٹیسٹ اسکواڈ کا اعلان پہلے ہی کیا جاچکا ہے۔

پاکستان اور نیوزی لینڈ کے ون ڈے میچز دس، بارہ اور چودہ جنوری کو کراچی میں ہوں گے۔