آئی سی سی نےٹیسٹ پلیئرز کی نئی رینکنگ جاری کردی

اسلا م آباد(اُمت نیوز)انٹرنیشنل کرکٹ کونسل (آئی سی سی) نےٹیسٹ پلیئرز کی نئی رینکنگ جاری کردی ہے
ٹیسٹ فارمیٹ میں آسٹریلیا کے مارنوس لابوشین کا پہلا نمبر برقرار ہے جبکہ پاکستان کے کپتان بابر اعظم ایک درجے بہتری کے بعد دوسرے نمبر پر آگئے ہیں۔
نئی رینکنگ میں آسٹریلیا کے اسٹیو اسمتھ تیسرے نمبر پر چلے گئے ہیں جبکہ ٹریوس ہیڈ چوتھے نمبر پر ہیں اور انگلینڈ کے جو روٹ پانچویں پوزیشن پر ہیں۔
پاکستان کے دورے پر آئے انگلینڈ کے کپتان بین اسٹوکس تین درجے ترقی کے بعد 23 ویں جبکہ ہیری بروک 12 درجے ترقی کے بعد 44 ویں نمبر پر آگئے ہیں۔
بولرز میں آسٹریلیا کے پیٹ کمنز کا پہلا نمبر برقرار ہے جبکہ انگلینڈ کے جیمز اینڈرسن دوسرے اور جنوبی افریقا کے کگیسو ربادا تیسرے نمبر پر ہیں۔
نئی رینکنگ میں شاہین شاہ آفریدی دو درجے تنزلی کے بعد ساتویں نمبر پر چلے گئے ہیں۔