پاکستان بمقابلہ نیوزی لینڈ:ملتان ٹیسٹ میچ کراچی منتقل ہونے کا امکان

لاہور(امت نیوز)ملتان کی دھند کرکٹ کی راہ میں دیوار بن گئی ۔ پاکستان اور نیوزی لینڈ کے درمیان ملتان ٹیسٹ کراچی منتقل کیے جانے کا امکان ہے۔

ذرائع کے مطابق پاکستان کرکٹ بورڈنے ملتان میں دھند کی وجہ سے تین جنوری سے شیڈول دوسرے ٹیسٹ میچ کی میزبانی بھی نیشنل اسٹیڈیم کو سونپنے کا فیصلہ کیا ہے۔

دونوں ممالک کے درمیان آئی سی سی چیمپئن شپ کا پہلا ٹیسٹ پیر سے کراچی میں شروع ہوگا جبکہ دوسرا ٹیسٹ تین جنوری سے ملتان میں ہونا ہے۔

ذرائع کے مطابق دوسرا ٹیسٹ کراچی منتقل کرنے یا نہ کرنے کا حتمی فیصلہ باہمی مشاورت کے بعد کیا جائے گا۔

دونوں ممالک کے درمیان ون ڈے میچز بالترتیب10، 12 اور 15 جنوری کو کراچی میں کھیلے جائیں گے