سابق ہیڈ کوچ مکی آرتھر کو دوبارہ بلانے کافیصلہ

لاہور(امت نیوز)پاکستان کرکٹ ٹیم کا اگلاہیڈ کوچ کون ہوگا، فیصلہ ہوگیا۔۔موجودہ ہیڈ کوچ ثقلین مشتاق کی مدت مکمل ہونےپر مکی آرتھر کو ان کی جگہ پر لایا جارہاہے

قومی کرکٹ ٹیم کے سابق ہیڈ کوچ مکی آرتھر نے پاکستان کرکٹ بورڈ کی پیشکش قبول کرلی ہے ۔

پی سی بی کی چیئرمین مینجمنٹ کمیٹی نجم سیٹھی پہلے ہی کہہ چکے ہیں کہ قومی کرکٹ ٹیم کا اگلا ہیڈ کوچ غیر ملکی ہوگا۔

ذرائع کے مطابق مکی آرتھر نے پی سی بی مینجمنٹ کمیٹی کو کہا ہے کہ وہ انگلش کاونٹی سے معاہدہ ختم ہونے کے بعد پاکستانی ٹیم کی کوچنگ کیلئے دستیاب ہوں گے۔

پاکستان کرکٹ ٹیم کےموجودہ ہیڈکوچ ثقلین مشتاق کا کنٹریکٹ فروری میں ختم ہورہا ہے جب کہ ہیڈ کوچ کے لیے مکی آرتھر مضبوط امیدوار ہیں اور مینجمنٹ کمیٹی ثقلین مشتاق کا کنٹریکٹ ختم ہونے تک مکی آرتھر کو لانا چاہتی ہے۔

مکی آرتھر 2016 سے 2019 تک قومی ٹیم کے کوچ رہ چکے ہیں اور ان کی کوچنگ میں پاکستان ٹیم نے چیمپیئنز ٹرافی جیتی تھی۔