عرفان صدیقی کے شعری مجموعے کی تقریبِ پذیرائی کل کراچی میں منعقد ہو گی

کراچی(اُمت نیوز)معروف ماہر تعلیم اور کالم نگار سینیٹر عرفان صدیقی کے شعری مجموعے "گریز پا موسموں کی خوشبو” کی تقریب پزیرائی کل (30 دسمبر) شام 6 بجے آرٹس کونسل آف پاکستان کے حسینہ معین ہال، احمد شاہ بلڈنگ میں منعقد ہو گی۔ تقریب کی صدارت پیرزادہ قاسم رضا صدیقی کریں گے۔ اظہار خیال کرنے والوں میں محمودشام، شکیل عادل زادہ، فاطمہ حسن، رخسانہ صبا، عقیل عباس جعفری، ناصرہ زبیری اور عنبرین حسیب عنبر شامل ہیں۔ آرٹس کونسل آف پاکستان کے صدر محمد احمد شاہ اور سیکرٹری پروفیسر اعجاز فاروقی نے اہل کراچی کو شرکت کی دعوت دی ہے۔