کرکٹراعظم خان بھارتی اداکارہ سشمیتا سین کے مداح نکلے

کراچی(امت نیوز)قومی کرکٹ ٹیم کے وکٹ کیپر اعظم خان نے بھارتی اداکارہ اور سابق مس ورلڈ سشمیتا سین کے ساتھ تصویر شیئر کردی۔ساتھی ہی اداکارہ کی تعریف بھی کی
اعظم خان نے اپنے انسٹاگرام اکاؤنٹ پر بھارتی اداکارہ سشمیتا سین کے ساتھ ملاقات کی تصویر شیئر کی ہے جس میں دونوں مسکراتے ہوئے نظر آرہے ہیں۔
اعظم خان کی سشمیتا سین سے دبئی میں اچانک ملاقات ہوئی قومی کھلاڑی نے اداکارہ کی تعریف کرتے ہوئے لکھا کہ شسمیتا سین ایک شائستہ خاتون ہیں۔
انسٹاگرام پر اعظم خان کے مداحوں اور صارفین کی جانب سے ان کی تصویر پر دلچسپ تبصرے کئے جا رہے ہیں دونوں اسٹارز کی یہ تصویر سوشل میڈیا پر وائرل ہو رہی ہے اور اسے پسند کیا جا رہا ہے۔
یاد رہے کہ قومی کھلاڑی اعظم خان سری لنکا پریمیئر لیگ میں حصہ لینے کے بعد واپس پاکستان لوٹ رہے ہیں۔