کابل کے فوجی اڈے پر بم دھماکا،10 افراد ہلاک

کابل: افغانستان کے دارالحکومت کابل میں فوجی ہوائی اڈے کے دروازے پر ہونے والے بم دھماکے میں 10 افراد ہلاک، 8 زخمی ہو گئے۔

غیر ملکی خبر رساں ادارے کے مطابق افغان وزارت داخلہ کے ترجمان نے دھماکے کی تصدیق کردی تاہم اس کی نوعیت نہیں بتائی۔

عبدالنافی تکور نے بتایا کہ کابل ملٹری ایئرپورٹ کے باہر دھماکے میں ہمارے متعدد بے گناہ عام شہری شہید اور زخمی ہوئے۔

عینی شاہدین کا کہنا ہے کہ دھماکا علی الصبح 8 بجے سخت حفاظتی انتظامات والے ہوائی اڈے کے احاطے میں فوجی ایریا میں ہوا۔