کراچی میں فائرنگ سے پولیس اہلکار زخمی

کراچی(امت نیوز) کراچی میں شہریوں کے ساتھ اب پولیس اہلکار بھی غیر محفوظ ہوگئے۔سعید آباد میں موٹر سائیکل سوار نامعلوم مسلح ملزمان نے فائرنگ کرکے ایک پولیس اہلکارکو زخمی کردیا اور فرار ہوگئے۔
واقعہ سعید آباد تھانے کے علاقے بلدیہ ٹاؤن نیول کالونی میں پیش آیا جہاں ریپڈ رسپانس فورس کے فیملی کوارٹراے 25 بس اسٹاپ کے قریب موٹرسائیکل پرسوارنامعلوم مسلح ملزمان نے فائرنگ کرکے پولیس اہلکارکوزخمی کردیاجسے فوری نجی اسپتال منتقل کردیا گیا۔
زخمی پولیس اہلکارکی شناخت حنیف ولد برکت علی کے نام سے کی گئی جو سعید آباد تھانے میں تعینات ہے ۔
ایس ایچ اوسعید آباد شاکرحسین نے بتایا کہ سعید آباد تھانے میں تعینات 2 پولیس اہلکارریپڈ رسپانس فورس کے ہیڈ کوارٹرز کے قریب معمول کے گشت میں مصروف تھے اسی دوران مخالف سمت سے موٹرسائیکل پرآنے والے2نامعلوم مسلح ملزمان نے براہ راست پولیس پر فائرنگ کردی اورفرارہوگئے۔
فائرنگ کے نتیجے میں پولیس اہلکارحنیف پیٹ میں گولی لگنے سے زخمی ہو گیاجبکہ دوسرا پولیس اہلکارمعجزانہ طورپرمحفوظ رہا۔
واقعے کی اطلاع ملنے پر پولیس اوررینجرزحکام موقع پرپہنچ گئے ہیں اورپولیس نے جائے وقوع سے گولیوں کے4 خول اور دیگر شواہد اکٹھا کرنے کےبعد تفتیش شروع کردی