کراچی : شہر کے مختلف علاقوں سے 5 افراد کی لاشیں برآمد

کراچی(اسٹاف رپورٹر)مختلف علاقوں سے5 افراد کی لاشیں ملیں۔محمود آباد کے علاقے کالا پل کے قریب چنیسر گوٹھ سے 50 سالہ شخص کی لاش برآمد ہوئی ہے۔بلدیہ اتحاد ٹاؤن جھنگوی چوک کے قریب سے 70 سالہ معمر شخص کی لاش ملی ہے۔پولیس نے دونوں افراد کی موت طبعی قراردی ہے۔شاہ فیصل کالونی نمبر 1 میں داتا ہوٹل کے قریب سے 55سالہ شخص کی لاش برآمد ہوئی۔سپرہائی وے فقیرا گوٹھ سے 50 سالہ شخص کی کئی روز پرانی لاش ملی ہے۔پولیس کے مطابق دونوں کے پاس سے ایسی کوئی چیز برآمد نہیں ہوئی ہے،جس سے ان کی شناخت ہوسکے۔موسیٰ کالونی میں سٹی کالج کے قریب سے 45 سالہ شخص کی لاش ملی۔متوفی کی شناخت اسلم پرویز ولد سعید حسین کے نام سے کی گئی۔