خیبرپختونخوا انتخابات کیلیے گورنر کا وزیراعلیٰ کو خط

پشاور(امت نیوز) گورنرخیبرپختونخوا غلام علی نے صوبائی اسمبلی کے انتخابات کیلیے وزیراعلیٰ اعظم خان کو خط لکھ دیا۔

میڈیا رپورٹس کے مطابق گورنر خیبرپختونخوا نے خط میں الیکشن کمیشن کو 31 جنوری کو لکھے خط کا ذکر کیا اور نگراں وزیراعلی کو صوبے میں امن امان کی صورتحال سے آگاہ کیا۔

گورنر نے اپنے خط میں لکھا کہ وزیراعلیٰ محمود خان کی سفارش پر خیبر پختونخوا اسمبلی تحلیل کی گئی ، صوبے میں انتخابات کی تاریخ کے تعین سے قبل قانون نافذ کرنے والے اداروں سے مشاورت کی جائے۔

گورنر غلام علی نے کہا کہ صوبے میں امن و امان کی صورتحال کے تناظر میں نگراں وزیراعلیٰ کو خط لکھا ہے میرا فرض ہے کہ نگراں حکومت کو صوبے کی صورتحال سے آگاہ کرنا ، حکومت چاہتی ہے صوبے میں پرامن اور شفاف انتخابات ہوں۔