راولپنڈی، بلی کو گولی مارکرہلاک کرنے پرمقدمہ درج

راولپنڈی: بلی کو گولی مار کر ہلاک کرنے پر پولیس نے مقدمہ درج کر لیا۔

تھانہ چو نترہ پولیس کوعثمان علی نامی  شخص نے مقدمہ درج کراتےہوئے بتایا کہ میں نے ایک بلی گھر میں رکھی ہوئی ہے، یہ بلی( پشو ) میرے ساتھ ہر وقت جہاں پر میں کھیتی باڑی کے لیے جاتا،ساتھ جاتی تھی۔

میں حسب معمول اپنی زمینوں کی دیکھ بھال کے لیے جا رہا تھا، بلی ( پشو) بھی ساتھ جا رہی تھی جب میں اور میری بلی پشو امیر زمان  کے گھر کے سامنے پہنچی تو اس دوران خرم شہزاد مسلح 12بور رائفل لایا اور بلی کو سیدھا فائرکرکے مار دیا ، پولیس نے مقدمہ درج کر کے مزید تفتیش شروع کر دی ۔