سپر ہائی وے پرگاڑیاں چھیننے والے2پولیس اہلکاروں سمیت3 ملزمان گرفتار

کراچی( اسٹاف رپورٹر) اندرون سندھ میں تعینات پولیس اہلکار کراچی میں ٹرک چھیننے کی واردات میں ملوث نکلے

گڈاپ پولیس نے ہائی وے پر گاڑیاں چھیننے والے دو پولیس اہلکاروں سمیت 3 ملزمان کو گرفتار کر لیا۔

گرفتارملزمان میں کانسٹیبل نقیب اللہ متعینہ سی آئی اے ڈسٹرکٹ نوشہرو فیروز، کانسٹیبل صدام حسین متعینہ سی آئی اے نوشہرو فیروز پولیس اور ایک سویلین غلام شبیر شامل ہیں جبکہ سب انسپکٹر دھنی بخش بروہی متعینہ ڈسٹرک نوابشاہ اور ایک نامعلوم ملزم موقع سے فرار ہو گیا۔

پولیس نے بتایا کہ گرفتار پولیس اہلکاروں نے اپنے ساتھیوں کے ساتھ  مل کر ٹرک چھینا اور ڈرائیور اور کنڈیکٹر کے ہاتھ پیر باندھ کر جھاڑیوں میں پھینک دیا،گڈاپ پولیس نے مین سپر ہائی وے عثمانیہ ریسٹورنٹ کے پاس سے ملزمان کو گرفتار کیا

گرفتار ملزمان کے خلاف مقدمہ الزام نمبر109/2023 جرم دفعہ395/397/34 درج کیا گیا اور مفرور ملزمان کی تلاش جاری ہے۔ملزمان سے کرولا کار نمبر BVL – 826  اور چھینا ہوا ٹرک بھی برآمد کیا گیا ہے۔