راکھی( فاطمہ) نے مولانا طارق جمیل کے بیان کی ویڈیو شیئر کردی

ممبئی: بھارتی ماڈل و اداکارہ راکھی ساونت(فاطمہ) نے عمرے کی ادائیگی کے بعد اپنے انسٹاگرام اکاﺅنٹ کی اسٹوری پر مولانا طارق جمیل کے بیان کی ویڈیو شیئر کی ہے۔

راکھی ساونت نے اپنے اکاﺅنٹ پر جو انسٹا گرام سٹوری لگائی اس میں معروف عالم دین مولانا طارق جمیل کا بیان صبر سے متعلق ہے۔ اسی کے ساتھ اداکارہ کی جانب سے مولانا طارق جمیل کے بیان کی ایک اور اسٹوری لگائی گئی جس میں انہوں نے خانہ کعبہ کی تصاویر بھی لگائیں۔

راکھی ساونت نے اپنی اسٹوری میں قرآن کی آیات کو بھی شیئر کیا۔ واضح رہے کہ راکھی ساونت ایک دو روز قبل عمرے کی ادائیگی کے بعد واپس بھارت پہنچی ہیں۔