پی سی بی نے توصیف احمد کو عبوری چیف سلیکٹر مقرر کردیا

لاہور: پاکستان کرکٹ بورڈ (پی سی بی) نے سلیکشن کمیٹی کے سینئر رکن توصیف احمد کو عبوری چیف سلیکٹر مقرر کردیا۔ پاکستان کرکٹ بورڈ کی جانب سے جاری اعلامیے کے مطابق آسٹریلیا کے دورے کے دوران توصیف احمد چیف سلیکٹر جبکہ وجاہت اللہ واسطی عبوری جونیئر چیف سلیکٹر ہوں گے۔ پی سی بی کے مطابق قومی سلیکشن کمیٹی کے ممبران وسیم حیدر، وجاہت اللہ واسطی کو برقرار رکھا گیا ہے۔

کرکٹ بورڈ کا کہنا ہے کہ توصیف احمد کو دورہ آسٹریلیا کے لیے ٹیم کے انتخاب کی ذمہ داری سونپ دی گئی ہے جبکہ وجاہت اللہ واسطی کو جونیئر قومی ٹیم کے ٹورز کے لیے ٹیم سلیکشن کے لیے جونیئر چیف سلیکٹر بنایا گیا ہے۔