بیلجیئم میں کرسمس کا درخت گرنے سے خاتون ہلاک ہوگئی

اوڈینارڈ: بیلجیئم کے بازار میں کرسمس کا درخت گرنے سے خاتون ہلاک ہوگئی۔ خبر رساں ادارے روئٹرز کے مطابق بیلجیئم کے شہر اوڈینارڈ میں طوفانی موسم کے دوران کرسمس کا ایک بڑا درخت گر گیا۔ حادثے میں ایک خاتون ہلاک اور دو افراد زخمی ہوگئے۔

Woman killed by falling 66-foot Christmas tree on Belgian market square https://t.co/AZfN1Xb3rX pic.twitter.com/bjozMXriAA

— New York Post (@nypost) December 22, 2023

بیلجیئم کے نیوز میڈیا پر جاری سیکیورٹی کیمرے کی فوٹیج میں دیکھا جا سکتا ہے کہ کرسمس کا 20 میٹر (66 فٹ) اونچا درخت آہستہ آہستہ جھکا اور پھر کرسمس مارکیٹ کے قریب گر گیا۔اس حوالے سے نیو یارک پوسٹ نے ایک ٹوئٹ بھی کیا ہے۔ جس میں درخت کو گرتے دیکھا جاسکتا ہے۔