لاہورمیں خون جمادینے والی سردی،کراچی میں سرد ہوائیں

کراچی :  ملک بھرمیں سردی کی شدت میں اضافہ ہوگیا،شہرقائد کے باسیوں نے چھٹی کا دن سرد ہواؤں کیساتھ گزارا،تفصیلات کے مطابق ملک بھرمیں سرد کی شدت میں اضافہ ہوگیا،لاہورمیں خون جما دینے والی سردی جبکہ کراچی میں سرد ہواؤں نے ڈیرے ڈال لئے ہیں،کراچی میں ٹھنڈی ہواؤں سے موسم سرد ہوگیا ہے اورشہریوں نے چھٹی کا دن سرد ہواؤں کیساتھ گزارا۔

محکمہ موسمیات کے مطابق پیرکو دن بھرتیزاورسرد ہوائیں چلیں گی جبکہ رات کے اوقات میں سردی کی شدت میں مزید اضافہ ہوگا،شہرقائد کا پارہ اتوارکو کم سے کم 12 ڈگری سینٹی گریڈ ریکارڈ کیا گیا،سکھرمیں درجہ حرات کم ہوکر8 ڈگری اوردادو میں 9 سینٹی گریڈ تک جاپہنچا ہے جبکہ دھند کے باعث حد نگاہ صفررہ گئی،محکمہ موسمیات کے مطابق سندھ کے میدانی علاقے شدید دھند کی لپیٹ رہیں گے۔