معروف بھارتی گلوکارہ کنسرٹ سے قبل دل کا دورہ پڑنے سے ہلاک

پونے: بھارتی گلوکارہ پرابھا اترے کنسرٹ میں شرکت سے چند گھنٹے قبل دل کا دورہ پڑنے سے چل بسیں۔

معروف کلاسیکل گلوکارہ پرابھا اترے 92 برس کی عمر میں دل کا دورہ پڑنے سے انتقال کرگئیں۔ انہوں نے  ممبئی میں ایک کنسرٹ میں شرکت کرنا تھی۔

رپورٹ کے مطابق ریاست مہاراشٹرا کے شہر پونے میں پرابھا اترے کو گزشتہ روز  دل کا دورہ پڑا، انہیں ہسپتال لے جایا گیا جہاں وہ طبی امداد ملنے سے پہلے ہی دم توڑ گئیں۔

پرابھا اترے بھارت میں کلاسیکل موسیقی کا بڑا نام تھیں، بھارتی حکومت نے پربھا اترے کو ان کی خدمات پر پدم شری، پدم بھوشن اور پدم وبھوشن کے اعزازات سے نوازا تھا۔