پٹرولیم مصنوعات کی قیمتوں میں 9 روپے فی لیٹر تک کمی کا امکان

اسلام آباد (اُمت نیوز) حکومت کی جانب سے پٹرولیم مصنوعات کی قیمتوں میں کمی کا اعلان آج متوقع ہے۔

ذرائع کے مطابق یکم مئی سے پٹرول کی نرخ میں فی لیٹر پانچ روپے جبکہ ڈیزل کی قیمتوں میں 8 روپے فی لیٹر کمی کا امکان ہے۔

ذرائع وزارت خزانہ کے مطابق اوگرا تیل کی قیمتوں سے متعلق ورکنگ آج وزارت پٹرولیم کو بھجوائے گا، وزیراعظم کی مشاورت سے قیمتوں کا تعین کیا جائے گا۔

خیال رہے کہ گزشتہ 15 دنوں کے دوران عالمی منڈیوں میں خام تیل کی قیمتوں میں اتارا چڑھاؤ دیکھا گیا ہے، آج برنٹ آئل مارکیٹ میں خام تیل کی قیمت 88 ڈالر پچاس سینٹ فی بیرل ہے۔

واضح رہے کہ 16 اپریل کو حکومت نے شہریوں کی مشکلات میں اضافہ کرتے ہوئے پٹرول کی فی لیٹر قیمت میں 4 روپے 53 پیسے کا اضافہ کر دیا تھا جبکہ ہائی سپیڈ ڈیزل بھی فی لیٹر 8 روپے 14 پیسے مہنگا کیا تھا۔