یوکرین نے روس کے میزائل سائنسدان کو قتل کردیا

ماسکو:  روس کے اہم میزائل سائنسدان کو ماسکو کے ایک پارک میں قتل کر دیا گیا ۔ میخائل شاتسکی کو روس کے صدارتی محل کریملن سے آٹھ میل دور ایک نامعلوم قاتل نے کوزمینسکی فارسٹ پارک کوتیلنیکی میں قتل کیا۔

برطانوی اخبار کے مطابق یہ سائنسدان، جو ایک ایسوسی ایٹ پروفیسر بھی تھے، روسی Kh-59 کروز میزائل کو اپگریڈ کرنے پر کام کر رہے تھے۔ فوری طور پر قیاس آرائی کی گئی کہ انہیں یوکرین کی فوجی انٹیلیجنس نے قتل کیا ہے۔

جلاوطن روسی صحافی الیگزینڈر نیو زوروف نے کہا "آج ماسکو می جی یو آر فورسز نے ایک خاص مجرم، میخائل شاتسکی، کو ختم کر دیا، جو مارس ڈیزائن بیورو کے ڈپٹی جنرل ڈیزائنر اور سافٹ ویئر ڈیپارٹمنٹ کے سربراہ تھے۔ وہ Kh-59 کروز میزائل کو Kh-69 سطح پر اپگریڈ کرنے، نئے ڈرونز متعارف کرانے میں ملوث تھے اور ہزاروں بے گناہ یوکرینیوں کی ہلاکت کے ذمے دار ہیں۔”