اللہ عزتوں کامالک،خواجہ آصف کا مذاکرات شروع کرنے پر عمران خان کو طعنہ

پاکستان مسلم لیگ (ن) کے سینئیر رہنما اور وزیر دفاع خواجہ آصف نے مذاکرات شروع کرنے پر پاکستان تحریک انصاف (پی ٹی آئی) کے بانی عمران خان کو اپنے مخصوص طنز کا نشانہ بنایا ہے۔

خواجہ آصف نے سوشل میڈیا پلیٹ فارم ایکس پر ایک پوسٹ جاری کی جس میں انہوں نے عمران خان کی ایک ویڈیو شئیر کی۔

ویڈیو میں عمران خان کو ایک تقریب سے خطاب کرتے ہوئے دکھایا گیا، جس میں انہوں نے نواز شریف کی تصاویر دکھاتے ہوئے کہا کہ ’یہ وہی انسان ہے، یہ جو شکل تھی، یہ شکl جب شیریں مزاری نے دیکھی تب بیچاری کی آنکھوں میں آنسو آگئے، میں پھر سے بتا دوں شیریں مزاری کی آنکھوں میں آنسو آنا مشکل ہے، بڑا مشکل کام ہے۔