ایران کے صوبہ خوزستان میں 23 مشتبہ اسرائیلی جاسوسوں پر فردِ جرم عائد

تہران: ایرانی حکومت کی جانب سے سیکیورٹی کریک ڈاؤن میں شدت کے دوران، صوبہ خوزستان میں 23 افراد پر اسرائیل کے لیے جاسوسی کے الزامات کے تحت فردِ جرم عائد کر دی گئی ہے۔

تسنیم نیوز ایجنسی کی رپورٹ کے مطابق خوزستان کے شہر اہواز کے سرکاری پراسیکیوٹرز نے ان مشتبہ افراد پر "تخریبی سرگرمیوں” میں ملوث ہونے، "دشمن” کے لیے معلومات جمع کرنے، اور اسلامی جمہوریہ کے خلاف پروپیگنڈا پھیلانے جیسے الزامات عائد کیے ہیں۔

الجزیرہ کے مطابق ان الزامات کی آزاد میڈیا یا انسانی حقوق کی تنظیموں کی جانب سے فوری طور پر تصدیق نہیں ہو سکی۔

تسنیم کے مطابق، آج صبح حکومت نے صوبہ ارومیہ میں تین افراد کو سرکاری طور پر جاسوسی کے الزام میں سزائے موت دی، جس کے بعد 13 جون کو اسرائیلی فوجی آپریشن کے آغاز سے اب تک پھانسی پانے والوں کی تعداد کم از کم چھ ہو گئی ہے۔

عدلیہ نے مزید اعلان کیا ہے کہ گزشتہ 12 دنوں میں کم از کم 700 افراد کو اسرائیل کے لیے جاسوسی کے شبہے میں گرفتار کیا گیا ہے۔