بنگلادیش ائیرفورس کا تربیتی طیارہ گر کر تباہ، 20 افرادجاں بحق، 50 سے زائد زخمی

ڈھاکا: بنگلادیش ائیرفورس کا تربیتی طیارہ گر کر تباہ ہوگیا جس کے نتیجے میں20 افراد جاں بحق جبکہ 50 سے زائد افراد کے زخمی ہوگئے

بنگلادیشی میڈیا رپورٹ کے مطابق طیارہ اچانک ڈھاکا میں کالج کیمپس کی عمارت کے قریب توازن کھو بیٹھا اور حادثے کا شکار ہوا، واقعہ ڈھاکا کے شمالی علاقے اُتّرا میں پیش آیا۔

بنگلادیشی فضائیہ کے شعبہ تعلقاتِ عامہ نے ایک بیان میں اس واقعے کی تصدیق کرتے یوئے کہا کہ بنگلہ دیش ایئر فورس کا F-7 BGI تربیتی طیارہ اُتّرا میں گر کر تباہ ہوا۔ یہ طیارہ دوپہر ایک بج کر6 منٹ پر روانہ ہوا تھا۔

ختلف ویڈیوز میں دکھایا گیا کہ کالج کے لان کے قریب ایک بڑی آگ لگی ہوئی دکھائی گئی، جہاں سے دھوئیں کے سیاہ بادل اٹھتے دکھائی دیے۔

مقامی اخبار پروتھوم آلو کے مطابق، طیارہ حادثے میں کم از کم چار افراد زخمی ہوئے جنہیں علاقے کے ایک فوجی اسپتال منتقل کیا گیا۔