ٹرمپ انتظامیہ نے غیر ملکی امداد روکنے کے لیے سپریم کورٹ سے رجوع کر لیا

 

ٹرمپ انتظامیہ نے غیر ملکی امداد روکنے کے لیے سپریم کورٹ سے رجوع کر لیا

واشنگٹن: ٹرمپ انتظامیہ نے امریکی سپریم کورٹ میں غیر ملکی امداد کی ادائیگی روکنے کے لیے ہنگامی اپیل دائر کی ہے۔

امریکی وزارت انصاف نے مؤقف اختیار کیا ہے کہ نچلی عدالت کے حکم کو کالعدم قرار دیا جائے تاکہ حکومت بیرونِ ملک امدادی پروگرامز کی ادائیگی فوری طور پر روک سکے۔

یہ اقدام اس وقت سامنے آیا جب رواں ماہ اپیلز کورٹ کے ایک بینچ نے فیصلہ سنایا کہ امداد بحال کرنے کے حکم کو ختم کیا جانا چاہیے، تاہم عدالت نے اس فیصلے پر عمل درآمد روکنے سے انکار کر دیا اور ڈسٹرکٹ جج عامر علی کا حکم برقرار رکھا۔

یاد رہے کہ صدر ڈونلڈ ٹرمپ نے اپنی دوسری حلف برداری کے دن تمام غیر ملکی امداد پر 90 دن کے لیے پابندی عائد کرنے کا اعلان کیا تھا۔ اس فیصلے کے بعد امریکی حکومت نے امدادی ادارے یو ایس ای آئی ڈی کے عملے کو فارغ کرنے اور ادارے کو محکمہ خارجہ میں ضم کرنے پر بھی غور شروع کر دیا تھا۔