امریکا فلسطینی صدر محمود عباس کا ویزا بحال کرے۔فلسطینی اتھارٹی

فلسطینی اتھارٹی نے مطالبہ کیا ہے کہ امریکا فلسطینی صدر محمود عباس کا ویزا بحال کرے۔

عرب میڈیا کے مطابق صدر محمود عباس کے ترجمان نبیل ابو رودینہ نے عالمی برادری پر زور دیا ہے کہ وہ اس معاملے پر امریکا سے بات کریں اور ویزا بحالی کے لیے دباؤ ڈالیں۔

انہوں نے کہا کہ امریکی فیصلے سے خطے میں مزید کشیدگی اور تناؤ پیدا ہوگا۔ ترجمان کے مطابق گزشتہ 24 گھنٹوں میں مشرق وسطیٰ اور مغربی ممالک سے مسلسل رابطے کیے جا رہے ہیں جو براہِ راست اس معاملے میں شامل ہیں۔

یاد رہے کہ محمود عباس کو اگلے ماہ نیویارک میں ہونے والے اقوام متحدہ کے سالانہ اجلاس میں شرکت کرنی ہے۔