بیلجیئم نے فلسطین کو ریاست تسلیم کر لیا، برطانیہ بھی تیار

بیلجیئم نے اقوام متحدہ کی جنرل اسمبلی کے اجلاس میں فلسطین کو ریاست کے طور پر تسلیم کرنے کا اعلان کر دیا۔

بین الاقوامی خبر ایجنسی کے مطابق یہ اعلان بیلجیئم کے وزیر خارجہ نے اپنے سوشل میڈیا پیغام میں کیا۔

دوسری جانب برطانیہ کے وزیر خارجہ ڈیوڈ لیمی نے کہا ہے کہ اگر غزہ میں جنگ بندی پر کوئی پیش رفت نہ ہوئی تو برطانیہ بھی رواں ماہ جنرل اسمبلی اجلاس میں فلسطینی ریاست کو باضابطہ طور پر تسلیم کرنے کا اعلان کرے گا۔

ڈیوڈ لیمی کے مطابق غزہ میں انسانی صورتحال کو بہتر بنانے کا واحد راستہ فوری اور غیر مشروط جنگ بندی ہے۔ انہوں نے اسرائیل سے فوجی کارروائیاں بڑھانے کا سلسلہ روکنے کا مطالبہ بھی کیا۔